Hayat Kabel
Hayat Kabel

PUNP va PUGNP: Tashqi ko‘rinishi bir xil yassi simlar. Uyingiz va loyihangiz uchun qaysi biri mos?

PUNP va PUGNP: Tashqi ko‘rinishi bir xil yassi simlar. Uyingiz va loyihangiz uchun qaysi biri mos?

Ichki yoritish tarmoqlari, rozetkalar montaji va maishiy elektr tarmoqlarini tortishda eng ko‘p talab qilinadigan simlar bu — ПУНП va ПУГНП hisoblanadi.

 

Ikkala sim ham devor ichiga yashirish uchun juda qulay shaklga ega: yassi (tekis) profili tufayli gipsokarton orqasiga, tor plastmassa kanallarga yoki yupqa suvoq ostidagi shtrobalarga oson joylashadi. Ammo ularning nomidagi bitta harf — «Г» (egiluvchan / гибкий) simning ichki tuzilishi, montaj tezligi va ulanish tartibini butunlay o‘zgartiradi.

 

Quyida har bir markaning o‘ziga xos xususiyatlari va ularni to‘g‘ri tanlash qoidalarini ko‘rib chiqamiz.

 

PUNP simi: Qattiq, monolit va statsionar yechim

 

ПУНП (Провод Универсальный Плоский) — qimirlamaydigan, doimiy (statsionar) elektr tarmoqlari uchun klassik yassi sim.

 

Tomir tuzilishi: 2 yoki 3 ta bir simli (monolit / yaxlit) qattiq mis tomirlardan tashkil topgan. Tomirlar PVX qobiq ostida bir tekis parallel joylashgan.

 

Asosiy afzalligi: Qattiq sim shaklini mukammal saqlaydi, shtrobada to‘g‘ri chiziq bo‘ylab siljimay yotadi. Eng muhimi — avtomatlar, ulanish qutilari va rozetkalarning vintli klemmalariga to‘g‘ridan-to‘g‘ri ulanadi, qo‘shimcha nakonechniklar bilan presslash talab etilmaydi.

 

Cheklovi: Bir joyda qayta-qayta bukilsa, mis tomir charchab sinishi mumkin. Shuning uchun faqat harakatsiz liniyalarda ishlatiladi.

 

Qayerda qo‘llaniladi:

 

Devor ichiga to‘g‘ri chiziqli yashirin elektr simlari tortishda;
Statsionar rozetka va kalitlar (viklyuchatellar) liniyalarida;
O‘rni o‘zgarmaydigan maishiy elektr uskunalarini ulashda.

 

PUGNP simi: Yuqori egiluvchanlik va qiyin burilishlar uchun qulaylik

 

ПУГНП (Провод Универсальный Гибкий Плоский) — ko‘p burilishli va murakkab geometriyali joylarda montajni tezlashtirish uchun mo‘ljallangan.

 

Tomir tuzilishi: Har bir tomir yuzlab mayda mis tolalardan (ko‘p simli to‘plamdan) iborat.
Asosiy afzalligi: Juda yuqori egiluvchanlikka ega. Tor burchaklarda oson bukiladi, gofra va gipsokarton profillari orasidan qarshiliksiz o‘tadi, montaj vaqtini sezilarli darajada tejaydi.
Montaj qoidasi: Ko‘p simli tolalardan tashkil topgani uchun, klemmalarga ulashdan avval tomir uchlarini maxsus ucliklar (NShVI) bilan gilsalash (presslash) tavsiya etiladi. Bu kontakt qizib ketmasligini va sim ezilib uzilmasligini ta’minlaydi.

 

Qayerda qo‘llaniladi:
Ko‘p burchakli va murakkab yoritish tizimlarida;
Qandillar (lyustra), spot chiroqlar va diodli yoritgichlarni ulashda;
Osma shiftlar, mebel ichidagi chiroqlar va ko‘chma asboblar tarmog‘ida.

 

Mutaxassis xulosasi: Obyektingiz uchun qaysi birini olish kerak?

 

Agar siz to‘g‘ri chiziqli shtrobalar bo‘ylab asosiy rozetkalar va devor ichki tarmoqlarini tortayotgan bo‘lsangiz — PUNP simini tanlang. U shaklini qat’iy saqlaydi va qo‘shimcha uchliklarsiz tez ulanadi.

 

Agar siz osma shiftlar ostida, tor burchaklarda, qandil va dekorativ yoritgichlar montaji bilan shug‘ullanayotgan bo‘lsangiz — PUGNP simini tanlang. Uning elastikligi burchaklardan o‘tishni ancha yengillashtiradi.

 

Sifatli mis simlarni to‘g‘ridan-to‘g‘ri zavoddan xarid qiling

 

Elektr tarmog‘ining xavfsizligi sim tomirining tozaligi va izolyatsiyaning bir tekisligiga bevosita bog‘liq. Hayat Kabel zavodi barcha ommabop kesimdagi maishiy va montaj simlarini (2x1.5, 2x2.5, 3x1.5, 3x2.5 mm²) standartlar asosida ishlab chiqaradi:

 

100% toza elektrolitik mis (aniq tok o‘tkazuvchanlik va past qarshilik);
Yorilmaydigan, mustahkam PVX izolyatsiya va tashqi qobiq;
Toshkent markaziy omboridan ulgurji xaridorlar va do‘konlar uchun qulay narxlar.

 

Loyiha smetasi yoki buyurtma ro‘yxatingizni yuboring — mutaxassislarimiz qisqa vaqt ichida sizga eng maqbul ulgurji narx taklifini hisoblab beradi.

Xarita yuklanmoqda..